गोविंद चले चरावन धेनु - भजन

हिंदी

गोविंद चले चरावन धेनु ।

गृह गृह तें लरिका सब टेरे

शृंगी मधुर बजाई बेनु ॥सुरभी संग सोभित द्वै भैया

लटकत चलत नचावत नेंन ।

गोप वधू देखन सब निकसीं

कियो संकेत बताई सेंन ॥

ब्रजपति जब तें बन पाउँ धारे

न परत ब्रजजन पल री चैन ।

तजि गृह काज विकली सी डोलत

दिन अरि जाए हो एक बैन ।

जसोमति पाक परोसि कहति सखि

तूं ले जाउ बेगि इह देंन ।

गोविंद लिए बिरहनी दौरी,

तलफत जैसे जल बिनु मेंन ॥

गोविंद चले चरावन धेनु ।

गृह गृह तें लरिका सब टेरे

शृंगी मधुर बजाई बेनु ॥

पुस्तक: गोविंद स्वामी (पृष्ठ 41)

संपादक: कंठमणि शास्त्री ‘विशारद’

रचनाकार: गोविंद स्वामी

Transliteration

Govind Chale Charaavan Dhenu ।

Grh Grh Ten Larika Sab Tere

Shrngi Madhur Bajai Benu ॥Surbhi Sang Sobhit Dvai Bhaiya

Latkat Chalat Nachaavat Nenn ।

Gop Vadhu Dekhan Sab Nikaseen

Kiyo Sanket Batai Senn ॥

Brajpati Jab Ten Ban Paun Dhaare

Na Parat Brajajan Pal Ri Chain ।

Taji Grh Kaaj Vikali Si Dolat

Din Ari Jaye Ho Ek Bain ।

Jasomati Paak Parosi Kahati Sakhi

Tun Le Jau Begi Yeh Denn ।

Govind Liye Birhani Dauri,

Talphat Jaise Jal Binu Menn ॥

Govind Chale Charaavan Dhenu ।

Grh Grh Ten Larika Sab Tere

Shrngi Madhur Bajai Benu ॥

Pustak: Govind Swami (Prshth 41)

Sampadak: Kanthamani Shastri Visharad

Rachnakar: Govind Swami