प्यारे करुँगी कपोलन लाल - भजन

हिंदी

प्यारे करुँगी कपोलन लाल, लाल मेरी अंगिया न छुवौ

प्यारे करुँगी कपोलन लाल, लाल मेरी अंगिया न छुवौ ॥1॥यह अंगिया नहीं धनुष जनक को, छुवत टूट्यो तत्काल ।

नहीं अंगिया गौतम की नारी, छूवत उठी नंदलाल ॥2॥

कहा विलोकत भृकुटी कुटिल कर, नहीं ये पूतना ख्याल ।

यह अंगिया काली मत समझो, जाय नाथ्यो पाताल ॥3॥

गिरिवर ऊठाय भयौ गिरिधारी, नहीं जान्यो ब्रजबाल ।

जावौजी खेलौ सखन संग मिली, गौरव के प्रतिपाल ॥4॥

इतनी सुन मुसिकाय सांवरो, लीनौ अबीर गुलाल ।

सूरदास प्रभु निरखि छिरकि अंग,सखियन कियौ निहाल ॥5॥

Transliteration

Pyare Karungi Kapolan Lal, Lal Meri Angiya Na Chhuvau

Pyare Karungi Kapolan Lal, Lal Meri Angiya Na Chhuvau ॥1॥Yah Angiya Nahin Dhanush Janak Ko, Chhuvat Tutyo Tatkal ।

Nahin Angiya Gautam Ki Nari, Chhuvat Uthi Nandalal ॥2॥

Kaha Vilokat Bhrkuti Kutil Kar, Nahin Ye Pootna Khyal ।

Yah Angiya Kali Mat Samajho, Jaay Nathyo Patal ॥3॥

Girivar Uthay Bhayau Giridhari, Nahin Janyo Brajabal ।

Javauji Khelau Sakhan Sang Mili, Gaurav Ke Pratipal ॥4॥

Itni Sun Musikay Sanwaro, Linau Abir Gulal ।

Surdas Prabhu Nirkhi Chhirki Ang,Sakhiyan Kiyau Nihal ॥5॥