म्हाने जाम्भोजी दीयो उपदेश - भजन

हिंदी

म्हाने जाम्भोजी दीयो उपदेश,

भाग म्हारो जागियो ॥मरूधर देश समराथल भूमि,

गुरूजी दियो उपदेश ।

पीपासर में प्रकट भया,

आय सुधारयो बागड देश ॥ १ ॥

म्हाने जाम्भोजी दीयो उपदेश,

भाग म्हारो जागियो ॥

बीदे ने विराट दिखायो पुल्हे जी ने पाताल ।

उन्नतीस नियम सुणाय गुरूजी पायो म्हाने अमृत पाहल ॥ २ ॥

सांगा राणा और नरेषां,

परच्यो महमद खान ।

लोदी सिकन्दर ऐसो परच्यो,

पढणी छोड दी कुरान ॥ ३ ॥

म्हाने जाम्भोजी दीयो उपदेश,

भाग म्हारो जागियो ॥

चिम्पी चोलो उणरे तन रो पडियो जांगलु मांय ।

चिम्पी चोले रा दरसण करस्यां न्हावाला बरसिंगाली जाय ॥ ४ ॥

म्हाने जाम्भोजी दीयो उपदेश,

भाग म्हारो जागियो ॥

मोखराम बंगांली वालो,

हरिचरणा लवलीन ।

दास जाण म्हापे किरपा कीज्यो,

भक्ति में होऊ प्रवीण ॥ ५ ॥

म्हाने जाम्भोजी दीयो उपदेश,

भाग म्हारो जागियो ॥

Transliteration

Mhane Jambhoji Diyo Updesh,

Bhag Mharo Jagiyo ॥Marudhar Desh Samarathal Bhumi,

Guruji Diyo Updesh ।

Pipasar Mein Prakat Bhaya,

Aya Sudharayo Bagad Desh ॥ 1 ॥

Mhane Jambhoji Diyo Upadesh,

Bhag Mharo Jagiyo ॥

Bide Ne Virat Dikhayo Pulhe Ji Ne Patal ।

Unntis Niyam Sunaya Guruji Payo Mhane Amrit Pahal ॥ 2 ॥

Sanga Rana Aur Nareshan,

Parachyo Mohammed Khan ।

Lodi Sikandar Aiso Parchyo,

Padhni Chhod Di Kuran ॥ 3 ॥

Mhane Jambhoji Diyo Updesh,

Bhag Mharo Jagiyo ॥

Chimpi Cholo Unre Tan Ro Padio Janglu May ।

Chimpi Chole Ra Darsan Karsyaan Nhavala Barsingali Jaya ॥ 4 ॥

Mhane Jambhoji Diyo Updesh,

Bhag Mharo Jagiyo ॥

Mokhram Bangali Valo,

Haricharana Lavalin ।

Das Jan Mhape Kirapa Kijyo,

Bhakti Mein Hou Pravin ॥ 5 ॥

Mhane Jambhoji Diyo Updesh,

Bhag Mharo Jagiyo ॥