Stotramश्रीसूर्य प्रातः स्मरण स्तोत्रम्

हिंदी

Shri Surya Pratah-Smaran Stotram

श्रीसूर्य प्रातः स्मरण स्तोत्रम्

श्रीसूर्य प्रातः स्मरण स्तोत्रम् हिंदी पाठ

Shri Surya Pratah-Smaran Stotram in Hindi

प्रातः स्मरामि खलु तत्सवितुर्वरेण्यं

रूपं हि मण्डलमृचोऽथ तनुर्यजूंषि ।

सामानि यस्य किरणाः प्रभवादिहेतुं

ब्रह्माहरात्मकमलक्ष्यमचिन्त्यरूपम् ॥ १ ॥

प्रातर्नमामि तरणिं तनुवाङ्मनोभि-

-र्ब्रह्मेन्द्रपूर्वकसुरैर्नतमर्चितं च ।

वृष्टिप्रमोचनविनिग्रहहेतुभूतं

त्रैलोक्यपालनपरं त्रिगुणात्मकं च ॥ २ ॥

प्रातर्भजामि सवितारमनन्तशक्तिं

पापौघशत्रुभयरोगहरं परं च ।

तं सर्वलोककलनात्मककालमूर्तिं

गोकण्ठबन्धनविमोचनमादिदेवम् ॥ ३ ॥

श्लोकत्रयमिदं भानोः प्रातः प्रातः पठेत्तु यः ।

स सर्वव्याधिनिर्मुक्तः परं सुखमवाप्नुयात् ॥ ४ ॥

॥

इति श्री सूर्य प्रातः स्मरण स्तोत्रम् सम्पूर्णम्