Stotramश्री नृसिंह पंचामृत स्तोत्र

हिंदी

Sri Narasimha Panchamrutha Stotram

श्री नृसिंह पंचामृत स्तोत्र

श्री नृसिंह पंचामृत स्तोत्र हिंदी पाठ

Sri Narasimha Panchamrutha Stotram in Hindi

अहोबिलं नारसिंहं गत्वा रामः प्रतापवान् ।

नमस्कृत्वा श्रीनृसिंहं अस्तौषीत् कमलापतिम् ॥ १ ॥

गोविन्द केशव जनार्दन वासुदेव

विश्वेश विश्व मधुसूदन विश्वरूप ।

श्री पद्मनाभ पुरुषोत्तम पुष्कराक्ष

नारायणाच्युत नृसिंह नमो नमस्ते ॥ २ ॥

देवाः समस्ताः खलु योगिमुख्याः

गन्धर्व विद्याधर किन्नराश्च ।

यत्पादमूलं सततं नमन्ति तं

नारसिंहं शरणं गतोऽस्मि ॥ ३ ॥

वेदान् समस्तान् खलु शास्त्रगर्भान्

विद्याबले कीर्तिमतीं च लक्ष्मीम् ।

यस्य प्रसादात् सततं लभन्ते तं

नारसिंहं शरणं गतोऽस्मि ॥ ४ ॥

ब्रह्मा शिवस्त्वं पुरुषोत्तमश्च

नारायणोऽसौ मरुतां पतिश्च ।

चन्द्रार्क वाय्वग्नि मरुद्गणाश्च त्वमेव तं

त्वां सततं नतोऽस्मि ॥ ५ ॥

स्वप्नेऽपि नित्यं जगतां त्रयाणाम्

स्रष्टा च हन्ता विभुरप्रमेयः ।

त्राता त्वमेकस्त्रिविधो विभिन्नः तं

त्वां नृसिंहं सततं नतोऽस्मि ॥ ६ ॥

राघवेणकृतं स्तोत्रं पञ्चामृतमनुत्तमम् ।

पठन्ति ये द्विजवराः तेषां स्वर्गस्तु शाश्वतः ॥ ७ ॥

॥ इति श्री नृसिंह पंचामृत स्तोत्र सम्पूर्णम् ॥