Stotramशिवप्रातःस्मरणस्तोत्रम्

हिंदी

Shiva Pratah Smaran Stotram

शिवप्रातःस्मरणस्तोत्रम्

शिवप्रातःस्मरणस्तोत्रम् हिंदी पाठ

Shiva Pratah Smaran Stotram in Hindi

प्रातः स्मरामि भवभीतिहरं सुरेशं

गङ्गाधरं वृषभवाहनमम्बिकेशम् ।

खट्वाङ्गशूलवरदाभयहस्तमीशं

संसाररोगहरमौषधमद्वितीयम् ॥ १ ॥

प्रातर्नमामि गिरिशं गिरिजार्धदेहं

सर्गस्थितिप्रलयकारणमादिदेवम् ।

विश्वेश्वरं विजितविश्वमनोभिरामं

संसाररोगहरमौषधमद्वितीयम् ॥ २ ॥

प्रातर्भजामि शिवमेकमनन्तमाद्यं

वेदान्तवेद्यमनघं पुरुषं महान्तम् ।

नामादिभेदरहितं षड्भावशून्यं

संसाररोगहरमौषधमद्वितीयम् ॥ ३ ॥

प्रातः समुत्थाय शिवं विचिन्त्य

श्लोकत्रयं येनुदिनं पठन्ति ।

ते दुःखजातं बहुजन्मसंचितं

हित्वा पदं यान्ति तदेव शम्भो: ॥

॥ इति शिवप्रातःस्मरणस्तोत्रम् सम्पूर्णम् ॥