बजरंग बाण

हिंदी

॥श्री बजरंग बाण पाठ॥

॥ दोहा ॥

निश्चय प्रेम प्रतीति ते,

बिनय करैं सनमान ।

तेहि के कारज सकल शुभ,

सिद्ध करैं हनुमान॥॥ चौपाई ॥

जय हनुमंत संत हितकारी ।

सुन लीजै प्रभु अरज हमारी ॥

जन के काज बिलंब न कीजै ।

आतुर दौरि महा सुख दीजै ॥

जैसे कूदि सिंधु महिपारा ।

सुरसा बदन पैठि बिस्तारा ॥

आगे जाय लंकिनी रोका ।

मारेहु लात गई सुरलोका ॥

जाय बिभीषन को सुख दीन्हा ।

सीता निरखि परमपद लीन्हा ॥

बाग उजारि सिंधु महँ बोरा ।

अति आतुर जमकातर तोरा ॥

अक्षय कुमार मारि संहारा ।

लूम लपेटि लंक को जारा ॥

लाह समान लंक जरि गई ।

जय जय धुनि सुरपुर नभ भई ॥

अब बिलंब केहि कारन स्वामी ।

कृपा करहु उर अन्तर्यामी ॥

जय जय लखन प्राण के दाता ।

आतुर ह्वै दुःख करहु निपाता ॥

जै गिरिधर जै जै सुख सागर ।

सुर-समूह-समरथ भटनागर ॥

ॐ हनु हनु हनु हनुमंत हठीले ।

बैरिहि मारु बज्र की कीले ॥

गदा बज्र लै बैरिहिं मारो।

महाराज प्रभु दास उबारो॥

ॐ कार हुंकार महाप्रभु धावो ।

बज्र गदा हनु विलम्ब न लावो ।

ॐ ह्नीं ह्नीं ह्नीं हनुमंत कपीशा ।

ॐ हुं हुं हुं हनु अरि उर शीशा ॥

सत्य होहु हरि शपथ पायके ।

राम दूत धरु मारु जाय के ॥

जय जय जय हनुमंत अगाधा ।

दुःख पावत जन केहि अपराधा ॥

पूजा जप तप नेम अचारा ।

नहिं जानत हौं दास तुम्हारा ॥

वन उपवन मग गिरि गृह माहीं ।

तुम्हरे बल हम डरपत नाहीं ॥

पांय परौं कर जोरि मनावौं ।

येहि अवसर अब केहि गोहरावौं ॥

जय अंजनि कुमार बलवंता ।

शंकर सुवन वीर हनुमंता ॥

बदन कराल काल कुल घालक ।

राम सहाय सदा प्रतिपालक ॥

भूत, प्रेत, पिशाच निशाचर ।

अग्नि बेताल काल मारी मर ॥

इन्हें मारु, तोहि शपथ राम की ।

राखउ नाथ मरजाद नाम की ॥

जनकसुता हरि दास कहावो ।

ताकी शपथ बिलंब न लावो ॥

जै जै जै धुनि होत अकासा ।

सुमिरत होय दुसह दुःख नाशा ॥

चरण शरण कर जोरि मनावौं ।

यहि अवसर अब केहि गोहरावौं ॥

उठु, उठु, चलु, तोहि राम दुहाई ।

पाँय परौं, कर जोरि मनाई ॥

ॐ चं चं चं चं चपल चलंता ।

ॐ हनु हनु हनु हनु हनुमंता ॥

ॐ हं हं हाँक देत कपि चंचल ।

ॐ सं सं सहमि पराने खल दल ॥

अपने जन को तुरत उबारो ।

सुमिरत होय आनंद हमरो ॥

यह बजरंग बाण जेहि मारै ।

ताहि कहो फिरि कौन उबारै ॥

पाठ करै बजरंग बाण की ।

हनुमत रक्षा करै प्रान की ॥

यह बजरंग बाण जो जापै ।

ताते भूत-प्रेत सब कापैं ॥

धूप देय जो जपै हमेशा ।

ताके तन नहिं रहै कलेशा ॥

॥ दोहा ॥

प्रेम प्रतीतिहि कपि भजै,

सदा धरै उर ध्यान।

तेहि के कारज सकल शुभ,

सिद्ध करैं हनुमान ॥

| | | |

◉ श्री हनुमंत लाल की पूजा आराधना में , और का पाठ बहुत ही प्रमुख माने जाते हैं।

Transliteration

॥ Shri Bajrang Baan Paath ॥

॥ Doha ॥

Nishchay Prem Prateet Tey,

Vinay Karain Sanmaan ।

Tayhi-Ke Karaj Sakal Shubha,

Siddh Karain Hanuman ॥॥ Chaupai ॥

Jai Hanumanta Santa Hitakaari ।

Suna Liijay Prabhu Araja hamari ॥

Jana kay kaaja vilambana keejay ।

Aatura dawrii maha Sukha deejay ॥

Jaisay kooda sindhu mahi paara ।

Sursa badana paithii Vistaara ॥

Aagay jaiyii Lankinii Rokaa ।

Maarayhu laata gaii sura Loka ॥

Jaayay Vibhishan ko sukha deenha ।

Sita Nirakhi parama pada Leenhaa ॥

Baag ujaari Sindhu Mahana Borah ।

Ati Aatura Jama Kaatara tora ॥

Akshaya Kumara mara sanhaara ।

Loama lapaita Lanka-ko Jaarah ॥

Laaha samaan lanka jaari-gai ।

Jai Jai Dhwani surpur naba Bhai ॥

Aba vilambha kayhi Kaaran Swami ।

Kripaa Karahhu ura Antaraymii ॥

Jai Jai Lakshmana Praana kay daataa ।

Aatura hai dukha Karhu Nipaataa ॥

Jai Jai Hanumanta Jayati bala saagar ।

Sura Samooha samratha Bhata Naagar ॥

Om Hanu Hanu Hanu Hanumanta Hateelay ।

Bhairayhhi Maaru Bajrah-Ki Keelay ॥

Om Hrim Hrim Hrim Hanumana Kapisha ।

Om Hun Hun Hun Hanu Arii Ura Sheesha ॥

Jai Anjani Kumara Balawanta ।

Shankara Suwana Beera Hanumanta ॥

Badana Karaala kaala kula ghaalaka ।

Rama sahay sadaa prati Paalak ॥

Bhoota prayta pishacha nischaara ।

Agni Baitala kaal maari mar ॥

Inhain maaru tohi shapatha Ram ki ।

Raakhu natha Maarayad Naama ki ॥

Satya hahu Hari Shapatha paiikay ।

Rama doota dharu maaru Dhaiikay ॥

Jai jai Jai Hanumanta Agadha ।

Dukha Pavata Jaana Kayhi apraadha ॥

Pooja jaapa tapa naima achaara ।

Nahina Jaanat Kacchu-das tumhaaraa ॥

Baan upawaan maaga-girigraha manhi ।

Tumharay Bala hoo Darpata Nahin ॥

Janaka Suta Hari Das Kahawoh ।

Taaki shapatha Vilamba na laawoh ॥

Jai Jai Jaya Dhuni Hota Akaasha ।

Sumirata Hota Dusah Dukha Nasha ॥

Charana pakar jori mana-oan ।

Yahi awsara aba kayhi gohra-oan ॥

Uthu Uthu Chalu Tohi Rama Duhai ।

Paayain paroan kara jori manaayaii

Om Cham Cham Cham Cham Chapal Chalantaa ।

Om Hanu Hanu Hanu Hanumantaa ॥

Om Ham Ham Hanka Day-tah Kapi Chanchal ।

Om San San Sahami Paraanay khal Dala ॥

Apnaay jaana ko turata ubaaro ।

Sumirata hoya ananda hamaaroh ॥

Yaha Bajaranga Baan Jayhi Maaray ।

Taahi Kaho phir kahana ubaaray ॥

Paatha karay Bajranga Baana ki ।

Hanumanata Raksha Karayne Praana ki ॥

Yaha Bajranga Baana Jo Jaapay ।

Taataay Bhoota Pray-tah Saba Kaampay ॥

Dhoopa-day aru Japayne Hamaayshaa ।

Takay tana Nahina Rahay Kalesha ॥

॥ Doha ॥

Ura Pratitee Dhardh, Saran Havay,

Paath karay dhari Dhyaan ।

Badha Sab Har,

Karain Sab Kaam Safal Hanuman ॥

◉ The recitation of , Bajrang Baan and are considered very prominent in the worship of Shri Hanumant Lal.